દ્વાદશ જ્યોતિર્લિઙ્ગ સ્તોત્રમ Dvadasha Jyothirlinga Stotram

દ્વાદશ જ્યોતિર્લિઙ્ગ સ્તોત્રમ |  

સૌરાષ્ટ્રદેશે વિશદેઽતિરમ્યે જ્યોતિર્મયં ચન્દ્ર કલાવતંસમ | 
ભક્તિપ્રદાનાય કૃપાવતીર્ણં તં સોમનાથં શરણં પ્રપદ્યે ||૧||

શ્રીશૈલશૃઙ્ગે વિબુધાતિસઙ્ગે તુલાદ્રિતુઙ્ગેઽપિ મુદા વસન્તમ | 
તમર્જુનં મલ્લિકપૂર્વમેકં નમામિ સંસારસમુદ્રસેતુમ ||૨|| 

અવન્તિકાયાં વિહિતાવતારં મુક્તિપ્રદાનાય ચ સજ્જનાનામ | 
અકાલમૃત્યોઃ પરિરક્ષણાર્થં વન્દે મહાકાલમહાસુરેશમ ||૩||

કાવેરિકાનર્મદયોઃ પવિત્રે સમાગમે સજ્જનતારણાય | 
સદૈવ માન્ધાતૃપુરે વસન્તમોઙ્કારમીશં શિવમેકમીડે ||૪|| 

પૂર્વોત્તરે પ્રજ્વલિકાનિધાને સદા વસન્તં ગિરિજાસમેતમ | 
સુરાસુરારાધિતપાદપદ્મં શ્રીવૈદ્યનાથં તમહં નમામિ ||૫|| 

યામ્યે સદઙ્ગે નગરેઽતિરમ્યે વિભૂષિતાઙ્ગં વિવિધૈશ્ચ ભોગૈઃ | 
સદ્ભક્તિમુક્તિપ્રદમીશમેકં શ્રીનાગનાથં શરણં પ્રપદ્યે ||૬||  

મહાદ્રિપાર્શ્વે ચ તટે રમન્તં સમ્પુજ્યમાનં સતતં મુનીન્દ્રૈઃ |
સુરાસુરૈર્યક્ષમહોરગાદ્યૈઃ કેદારમીશં શિવમેકમીડે ||૭|| 

સહ્યાદ્રિશીર્ષે વિમલે વસન્તં ગોદાવરીતીરપવિત્રદેશે | 
યદ્દર્શનાત્પાતકમાશુ નાશં પ્રયાતિ તં ત્ર્યમ્બકમીશમીડે ||૮|| 

સુતામ્રપર્ણીજલરાશિયોગે નિબધ્ય સેતું વિશિખૈરસંખ્યૈઃ | 
શ્રીરામચન્દ્રેણ સમર્પિતં તં રામેશ્વરાખ્યં નિયતં નમામિ ||૯|| 

યં ડાકિનીશાકિનિકાસમાજૈર્નિષેવ્યમાણં પિશિતાશનૈશ્ચ | 
સદૈવ ભીમાદિપદપ્રસિદ્ધં તં શઙ્કરં ભક્તહિતં નમામિ ||૧૦|| 

સાનન્દમાનન્દવને વસન્તમાનન્દકન્દં હતપાપ વૄન્દમ | 
વારાણસીનાથમનાથનાથં શ્રીવિશ્વનાથં શરણં પ્રપદ્યે ||૧૧|| 

ઇલાપુરે રમ્યવિશાલકેઽસ્મિન્સમુલ્લસન્તં ચ જગદ્વરેણ્યમ | 
વન્દે મહોદારતરસ્વભાવં ઘૃષ્ણેશ્વરાખ્યં શરણં પ્રપદ્યે ||૧૨|| 

જ્યોતિર્મયદ્વાદશલિઙ્ગકાનાં શિવાત્મનાં પ્રોક્તમિદં ક્રમેણ | 
સ્તોત્રં પઠિત્વા મનુજોઽતિભક્ત્યા ફલં તદાલોક્ય નિજં ભજેચ્ચ ||૧૩|| 

ઇતિ શ્રીદ્વાદશજ્યોતિર્લિઙ્ગસ્તોત્રં સંપૂર્ણમ ||