LPG સબસિડીઃ હવે 31 માર્ચ સુધી બેંક ખાતું અને આધાર નંબર લિન્ક કરી શકાશે

DBTL યોજનાનો લાભ લેવા માટે ગ્રાહકોની સમસ્યાને ધ્યાનમાં રાખતા એલપીજી કંપનીઓએ થોડી રાહત આપી છે. એક જાન્યુઆરીથી ડીબીટીએલ (ડાયરેક્ટ બેનીફિટ ટ્રાન્સફર ફોર એલપીજી) યોજના શરૂ થઈ રહી છે. તેના માટે પહેલા 31 ડિસેમ્બર સુધીનો સમય આપવામાં આવ્યો હતો, પરંતુ 31 ડિસેમ્બર સુધી આધાર અને બેંક સાથે એલપીજી એકાઉન્ટ લિંક કરવામાં નથી આવ્યું તો એવામાં ગ્રાહક 31 માર્ચ, 2015 સુધીમાં આ પ્રક્રિયા પૂર્ણ કરી શકે છે. 

એલપીજી કંપનીઓએ આ સુવિધા ગ્રાહકોને આપી છે. જાન્યુઆરીથી માર્ચ સુધીના ત્રણ મહિના સુધીના સમયને ગ્રેસ પીરિયડ કહેવામાં આવ્યો છે. આ સમય દરમિયાન જો તમારું ખાતું બેંક સાથે લિન્ક થઈ જાય તો સબસિડી સીધી ખાતામાં જમા થવાની શરૂ થઈ જશે અને એડવાન્સ મળતી સબસિડીની રકમથી સીલિન્ડર ખરીદી શકાશે. હાલમાં માત્ર 32 ટકા ગ્રાહક આ યોજના સાથે લિંક થઈ શક્યા છે. 

પોસ્ટ વિભાગ-સહકારી બેંકમાં ખાતું છે તો નહીં મળે ડીબીટીએલનો લાભ 

માત્ર આઇએફએસસી (ઇન્ડિયન ફાઇનેન્શિયલ સિસ્ટમ કોડ) સાથે જોડાયેલી બેંકોમાં જ સબસિડીની રકમ જમા મળશે. ઉપરાંત પોસ્ટ ઓફિસ અને સહકારી બેંકના ખાતામાં પણ સબસિડીનો લાભ મળશે નહીં કારણ કે તેઓ કોર બેન્કિંગ સાથે જોડાયેલા નથી.
 

આઇએફએસસી કોડ

આ ઇન્ડિયન ફાઇનાન્શિયલ સિસ્ટમ કોડ છે. તેના દ્વારા ફંડ ટ્રાન્સફર થાય છે. તે આરટીજીએસ અને એનઈએફટી દ્વારા ફંડ ટ્રાન્સફર કરનારની ઓળખ કરે છે. 

યોજનાથી થશે આ લાભ

- અન્ય નામથી ચાલતા નકલી કનેક્શન બંધ થશે.
- કાળા બજાર પર નિયંત્રણ આવશે.
- ગ્રાહકના મૃત્યુ થવા પર ચાલતા નંબર પરિવારજનોના ન હોવા પર થશે બંધ.

ખાતાનું લિંકઅપ કેવી રીતે કરાવવું

બેંક ખાતામાં લિંકઅપ કરાવવા માટે ગેસ એજન્સી ફોર્મ લઇને ભરવાનું રહેશે. તેના માટે બે પ્રકારના ફોર્મ છે. એક ફોર્મ એવા ગ્રાહકો માટે છે, જેમની આધાર કાર્ડ છે અને બીજું ફોર્મ એવા લોકો માટે જેમની પાસે આધાર કાર્ડ નથી. માર્ગદર્શિકા અનુસાર, જે ગ્રાહકો આવતી 31 માર્ચ સુધીમાં ફોર્મ ભરી નહીં શકે તેઓ જૂનમાં સુધીમાં જરૂર ફોર્મ ભરી દે. એવા ગ્રાહકો જેમણે માર્ચ સુધી ફોર્મ નથી ભર્યું તેમને એપ્રિલ અને જુનની સબ્સિડી એક સાથે આપવામાં આવશે. એટલું જ નહીં જે ગ્રાહકોના આધાર કાર્ડ જુન સુધી પણ ન આવે તેઓ ભવિષ્યમાં ક્યારેય પણ પોતાના આધારકાર્ડની ફોટોકોપી બેંક અને ગેસ એજન્સી પર જમા કરાવી શકે છે.