ગર્ભ રક્ષણસ્તોત્રમ્

એહ્યહિ ભગવન્ બ્રહ્મન્ પ્રજાકર્તા પ્રજાપતે ।
પ્રગૃહ્ણીશ્વ બલિં સૈમાં  સાપત્યં રક્ષ ગર્ભિણીમ્ ॥ ૧॥

અશ્વિનૌ દેવદેવેસૌ પ્રગૃહ્ણીધન્ બલિં દ્વિમામ્ ।
સાપત્યં ગર્ભિણીં સૈમાં સ રક્ષતાં પૂજયાનયા ॥ ૨॥

રુદ્રેશ એકાદશ પ્રોક્તઃ પ્રગૃહ્ણન્તુ બલિં દ્વિમામ્ ।
યક્ષાગમપ્રીતયે વૃત્તં નિત્યં રક્ષન્તુ ગર્ભિણીમ્ ॥ ૩॥

આદિત્ય દ્વાદશ પ્રોક્તઃ પ્રગૃહ્ણીત્વં બલિં દ્વિમામ્ ।
યસ્માકં તેજસાં વૃદ્ધ્ય નિત્યં રક્ષતુ ગર્ભિણીમ્ ॥ ૪॥

વિનાયક ગણાધ્યક્ષ શિવપુત્ર મહાબલ ।
પ્રગૃહ્ણીશ્વ બલિં સૈમાં સાપત્યં રક્ષ ગર્ભિણીમ્ ॥ ૫ ॥

સ્કન્દ ષણ્મુખ દેવેશ પુત્રપ્રીતિ વિવર્ધન ।
પ્રગૃહ્ણીશ્વ બલિં સૈમાં સાપત્યં રક્ષ ગર્ભિણીમ્ ॥ ૬॥

પ્રભાસઃ પ્રભવશ્યમઃ પ્રત્યાસૌ મારુતોઽનલઃ ।
ધ્રુવાધર ધરાશૈવ વસવેષ્ટૌ પ્રકીર્તિતઃ ।
પ્રગૃહ્ણીત્વં બલિં સૈમાં નિત્યં રક્ષતુ ગર્ભિણીમ્ ॥ ૭॥

પિતૃદેવિ પિતૃશ્રેષ્ઠે બહુપુત્રી મહાબલે ।
બુધશ્રેષ્ઠે નિશાવાસે નિવૃત્તે શૌનકપ્રિયે ।
પ્રગૃહ્ણીત્વં બલિં સૈમાં સાપત્યં રક્ષ ગર્ભિણીમ્ ॥ ૮॥

રક્ષ રક્ષ મહાદેવ ભક્તાનુગ્રહકારક ।
પક્ષિવાહન ગોવિન્દ સાપત્યં રક્ષ ગર્ભિણીમ્ ॥ ૯॥